Qazaqstanda munaı óndirý qańtar-qyrkúıekte 12,9%-ke artty

ASTANA. QazAqparat - 2017 jyldyń qańtary men qyrkúıegi aralyǵynda Qazaqstanda 54,091 mln tonna munaı óndirildi, bul 2016 jyldyń osy kezeńimen salystyrǵanda 12,9%-ǵa kóp degen sóz, dep habarlaıdy «QazAqparat» HAA Qazaqstan Respýblıkasy Ulttyq ekonomıka mınıstrliginiń Statıstıka komıtetine silteme jasap.

Esepti kezeńde: 9,926 mln tonna (2016 jyldyń osy kezeńimen salystyrǵandaǵy ósim - 10,1%) gaz kondensaty, 39,163 mlrd tekshe metr (+15,8%) tabıǵı gaz, 79,934 mln tonna (+13,6%) kómir, 29,32 mln tonna (+11,4%) temir rýdasy, 73,516 mln tonna (+27,8%) mys rýdasy, 14,115 mln tonna (+1,6%) quramynda altyny bar rýda, 3,427 mln tonna (+10,7%) hrom kontsentraty óndirildi.