Qazaqstanda munaı óndirý deńgeıin saqtaý úshin jer qoınaýyn paıdalanýshylarǵa salyq salý ońtaılandyrylady

ASTANA. QazAqpara - Qazaqstanda munaı óndirý deńgeıin saqtaý úshin jer qoınaýyn paıdalanýshylarǵa salyq salýdy ońtaılandyrý boıynsha sharalar naýryzdyń sońyna deıin qabyldanady. Bul týraly búgin Aqordada Elbasy Nursultan Nazarbaevtyń tóraǵalyǵymen ótip jatqan Úkimettiń keńeıtilgen otyrysynda QR Energetıka mınıstri Vladımır Shkolnık málim etti.

2015 jyly munaıdyń álemdik baǵasynyń tómendeýine baılanysty óndirýshi kompanııalar shyǵystardy qysqartý boıynsha sharalardy qabyldaǵanyna toqtalǵan mınıstr: «Degenmen de qazirgi kezde Úkimettiń ekonomıkalyq blogymen birlese negizgi óndirýshi kásiporyndardyń ahýalyna qarjylyq taldaý júrgizilýde. Munaı óndirý deńgeıin saqtaýǵa jáne osy kompanııalardyń áleýmettik mindettemeleri oryndalýy úshin naýryzdyń aıaǵyna deıin salyq salýdy ońtaılandyrý, aǵymdaǵy ınvestıtsııalyq shyǵystardy qysqartý boıynsha sharalar qabyldanady», - dedi.

Sonymen qatar ol jer qoınaýyn paıdalanýshylardyń jumys baǵdarlamalaryna túzetýler engizilýi múmkindigin atap ótti.