Qazaqstanda munaı óndirisi qańtar-tamyzda 6,6% artty

ASTANA. QazAqparat - Qazaqstanda munaı óndirý kólemi 2018 jyldyń qańtar-tamyzynda 51,132 mln tonnany qurady, bul 2017 jyldyń sáıkes merzimimen salystyrǵanda 6,6% kóp, dep habarlaıdy QazAqparat tilshisi QR Ekonomıka mınıstrliginiń Statıstıka komıtetine silteme jasap.

Eseptik kezeńde gaz kondensaty 8,846 mln tonna (byltyrǵydan 1,4 protsentke az), tabıǵı gaz - 37,226 mlrd tekshe metr (+6,2%), kómir - 73,612 mln tonna (+4 protsent) bolǵan.

Sondaı-aq, temir rýdalary - 28,21 mln tonna (+9,7%), jez rýdalary - 68,16 mln tonna (+4,6%), quramynda altyny bar rýdalar 13,789 mln tonna (+6,8 protsent), hrom qospasy - 3,24 mln tonna (+6,2%) kóleminde óndirildi.