Qazaqstanda munaı óndirisi alǵashqy jartyjyldyqta 7,6% artty

ASTANA. QazAqparat - Qazaqstanda Qazaqstanda munaı óndirý kólemi 2018 jyldyń qańtar-maýsym aılarynda 38,527 mln tonnany qurady. Bul 2017 jyldyń sáıkes merzimimen salystyrǵanda 7,6 protsentke kóp, dep habarlaıdy QazAqparat tilshisi QR Ekonomıka mınıstrliginiń Statıstıka komıtetine silteme jasap.

Eseptik kezeńde gaz kondensaty 6,629 mln tonna (byltyrǵy jyldyń qańtar-maýsymynan 0,9 paıyzǵa az), tabıǵı gaz - 28,516 mlrd tekshe metr (+8,6 paıyz), kómir - 55,014 mln tonna (+4,5 paıyz), temir rýdalary - 20,945 mln tonna (+4,5 paıyz), jez rýdalary - 49,975 mln tonna (+3,6 , paıyz), quramynda altyny bar rýdalar 10,335 mln tonna (+11,7 paıyz), hrom qospasy - 2,353 mln tonna (+6,4 paıyz) kóleminde óndirildi.