Qazaqstanda munaı óndirisi 104 mln tonnaǵa jetkiziledi
"Bıyl bes aıdyń qorytyndysy boıynsha respýblıkada munaı óndirý kólemi 37,7 mln tonnany qurady. Bul ótken jyldyń atalǵan kezeńimen salystyrǵanda 6,5 protsentke artyq. Jalpy, jyldyń qorytyndysy boıynsha 87 mln tonnadan artyq bolady degen jospar bar. Qazirdiń ózinde ol jospardy artyǵymen oryndap kelemiz", - dedi Q.Bozymbaev búgin qoǵamdyq keńes aldyndaǵy esep berý kezdesýinde.
Mınıstrdiń aıtýynsha, munaı óndirý kólemi Qarashyǵanaq, Qashaǵan men Teńiz sııaqty iri ken oryndary arqasynda artyp otyr. Atalǵan tendetsııa saqtala beredi. Sonyń arqasynda 2025 jylǵa deıin munaı óndirý kólemi 104 mln tonnaǵa jetetin bolady.
"Ol úshin barlyq iri jobalarda tıisti jumystar atqarylyp jatyr. Máselen, 2024 jylǵa deıin Qashaǵan ken ornyn keńeıtýdiń nátıjesinde munaı óndirý 13 mln tonnadan 16 mln-ǵa artady. Qarashyǵanaqta birneshe joba bar. Al Teńiz ken ornynda 2022 jyldan keıin munaı óndirý kólemi 26 mln tonnadan 39 tonnaǵa kóbeıedi", - dep atap kórsetti vedomstvo basshysy.
