Qazaqstanda munaı-gaz salasyndaǵy satyp alýlar barysynda zań buzýshylyq artyp keledi
ASTANA. QazAqparat - Ótken jyly munaı-gaz salasyndaǵy satyp alýlar barysyndaǵy zań buzýshylyqtar 162 mlrd. teńgege artyp otyr. Bul týraly búgin «Munaı jáne gaz: Qazaqstandyq qamtý-2014» forýmy barysynda «Kelisimshart agenttigi» fılıalynyń dırektory Jan Nurbekov málim etti.
«Satyp alý erejesinde buzýshylyqtarǵa toqtalar bosaq, 2012 jyly 2,7 trln. teńgeden nebári 0,7 paıyz, ıaǵnı 18,3 mlrd. teńgege buzýshylyqtar oryn alǵan edi. Al 2013 jyly biz satyp alýlardaǵy buzýshylyqtardyń aıtarlyqtaı óskendigin, naqty aıtqanda 162 mlrd. teńgege jetkenin kórip otyrmyz», - dedi ol. Onyń atap ótýinshe, keń taraǵan buzýshylyqtardyń biri satyp alynatyn taýarlar, jumystar men qyzmetterdi jetkizýdiń oryndalýy múmkin emes sharttaryn qoıý bolyp otyr. Máselen, kompanııalardyń biri qural-jabdyqtardy jetkizý merzimin baıqaý ótkennen keıingi 1 kún ishine belgilegen. Al CNPC kompanııasy ártúrli maqsattaǵy taýarlardy, jumystar men qyzmetterdi irilendirilgen lotpen satyp alýdy ádetke aınaldyrǵan. Sonymen qatar onyń sózine qaraǵanda, keıbir kompanııalar ózderiniń habarlandyrýlarynyń jalpy tizbesin jarııa etpeıdi de. Al keıbiri oryndalǵan qyzmetterdiń tólemderin der ýaqytynda júrgizbeıdi. «Qyzmetter oryndalǵannan keıin 1 jyldyń ishinde tólem jasaýǵa ýáde beretin de kompanııalar bar», - dedi Nurbekov.
