Qazaqstanda munaı-gaz salasyndaǵy 7 jańa birlesken kásiporyn qurylady

ASTANA. KAZINFORM – Energetıka mınıstri Erlan Aqkenjenov Úkimet otyrysynda munaı-gaz salasyndaǵy tanymal óndirýshilerdi Qazaqstanǵa oqshaýlaý jumystary qalaı júrip jatqanyn málim etti.

– Munaı-gaz salasynda neǵurlym suranysqa ıe, túpnusqa taýarlardyń álemdik óndirýshileri sanalatyn Leser (Germanııa), John Crane (AQSh), Hi Air Korea (Koreıa), Baker Hughes (AQSh), Breda Energia (Italııa), Flowserve (AQSh), Swagelok (AQSh) kompanııalarymen birlesip, 7 jańa óndiristi oqshaýlaý boıynsha jumystar júrgizilip jatyr, - dedi ol.

Energetıka mınıstri keıingi 3 jylda osyǵan uqsas 8 birlesken kásiporyn qurylǵanyn eske saldy.

– 2022-2025 jyldary Wika (Germanııa), Honeywell (AQSh), PetrolValves (Italııa), N.Vent (AQSh) birigip «Sigma Solutions» JShS (Qazaqstan), Schlumberger (AQSh), Yeskertkish Kyzmet Kazakhstan (Qazaqstan), Euro Circuit Technology (Malaızııa), sondaı-aq Beruseal (Ońtústik Afrıka) sııaqty 8 óndiris oqshaýlandy. Kórsetilgen jobalardy iske asyrý el ishinde qosylǵan quny joǵary taýarlardy óndirý jáne shyǵarý jónindegi quzyretti ıelenýge múmkindik berdi, - dedi Erlan Aqkenjenov.

Eske sala keteıik, buǵan deıin 8 óńirde 34 shaǵyn ónerkásip alańy qurylyp jatqanyn jazǵan edik.