Qazaqstanda munaı, gaz, kómir, ýran, lıtıı jáne altyn qanshadan satylyp jatyr

ASTANA. KAZINFORM – Qazaqstandyq munaıdyń baǵasy barreline 79,87 dollardy qurady. Bul týraly Reuters agenttigi habarlaıdy.

Beısenbide munaı baǵasy ózgergen joq, óıtkeni naryq AQSh prezıdenti Donald Tramptyń AQSh-qa eń iri eki munaı jetkizýshi el Meksıka men Kanadaǵa qatysty tarıfterin baqylaıdy. Sonymen qatar ınvestorlar 2025 jyldyń 3 aqpanyna josparlanǵan OPEK+ monıtorıng komıtetiniń otyrysyn kútedi.

Tabıǵı gazdyń baǵasy 1 mln BJB $3,16 belgisinde (Brıtandyq jylý birligi 293 kVt/saǵ).

Bir aptada lıtıı baǵasynyń kelisi 10,85 dollarǵa deıin ósti.

Kómirdiń álemdik baǵasy tonnasyna 114,8 dollarǵa deıin tómendedi.

29 qańtardaǵy jaǵdaı boıynsha qazaqstandyq kómir suryptary baǵasy:

- «Shubarkól» kómiri - 19,7 myń teńge/tonna;

- «Qarajyra» - 18 myń teńge/tonna;

- «Maıkýben-Vest» - 15 myń teńge/tonna.

Ýrannyń quny kelisi 152,54 dollarǵa deıin tómendedi.

Bir apta ishinde altyn baǵasy 88 752 dollarǵa deıin ósti, ıaǵnı bir gramy 88,75 dollar turady.

Buǵan deıin AQSh-tyń arzan munaı saıasatyna qatysty sarapshylardyń paıymyn saralaǵan edik. 

Aıta ketsek, birer kún buryn elimizde munaı óndirý boıynsha tarıhı rekord ornatyldy.

Sondaı-aq Ulttyq bankten alynǵan derekter negizinde altyn quıma alatyn adam bilýi tıis málimetter toptamasyn ázirlegen bolatynbyz.