Qazaqstanda munaı-gaz-hımııa salasyna mamandanǵan 7 zaýyt salynbaq

NUR-SULTAN. QazAqparat – 2021-2025 jyldary munaı-gaz-hımııa salasyna mamandanǵan 7 zaýyt salynýy múmkin. Jobalardyń jalpy quny - 12,7 mlrd dollar, dep habarlaıdy QazAqparat tilshisi.

Energetıka mınıstri Nurlan Noǵaev Májiliste ótken otyrysta Munaı-gaz-hımııa salasyn damytýdyń bes jyldyq ulttyq jobasy qandaı nátıje beretinin túsindirdi

«Úkimetpen munaı-gaz sektoryn shıkizattyq baǵyttan tereń óńdelgen, qosylǵan quny joǵary ónim shyǵarýǵa baǵdarlaý boıynsha jumys júrgizilýde. Qoıylǵan mindetterdi iske asyrý arqyly munaı-gaz hımııasy ónimderi óndirisiniń kólemin 2025 jylǵa qaraı 2 mln tonnaǵa jetkizý kózdelgen», - dedi Nurlan Noǵaev.

Mınıstrdiń sózine qaraǵanda, osynyń arqasynda munaı-gaz hımııasy ónimderiniń eksportyn 2025 jylǵa qaraı 8 esege ulǵaıtyp, 1,336 mlrd dollar tabs ákeli kózdelgen.

«Bul barlyq kiristiń 80%-yn quraıdy. Osylaısha, 2025 jylǵa deıin jalpy quny 4,7 mlrd dollar bolatyn 5 zaýyttyń qurylysyn aıaqtap, jalpy quny 12,7 mlrd dollar bolatyn 7 zaýyttyń qurylysyn bastaý kózdelýde», - dedi vedomstvo basshysy.