Qazaqstanda munaı ekvıvalentimen alǵanda jylyna 35 mlrd. tonna otyn resýrsy óndiriledi

ASTANA. QazAqparat - Qazaqstanda jylyna munaı ekvıvalentimen alǵanda 35 mlrd. tonna otyn resýrsy óndiriledi. Bul týraly búgin elordada ótip jatqan «Tranzıttik dálizdi damytý - jahandyq energetıkalyq qaýipsizdik kilti» atty Energetıkalyq hartııa konferentsııasynda QR Energetıka mınıstri Vladımır Shkolnık málim etti.

«Mol energetıkalyq resýrstarǵa jáne energetıkalyq salada halyqaralyq qarym-qatynasta zor tájirıbesi bar Qazaqstan iri energetıkalyq aǵyndar qıylysynda tur. Bizde elimiz kómirdiń, ýrannyń, munaıdyń jáne tabıǵı gazdyń biregeı qory, gıdroenergetıkalyq jáne jańaratyn energııa kózderi de bar», - dedi ol.

V.Shkolnıktiń atap ótýinshe, Qazaqstanda óndiriletin bazalyq otyn resýstary, ıaǵnı munaı, ýran, gaz, kómirdiń jıyntyq kólemi munaı ekvıvlanetimen alǵan kezde jylyna shamamen 35 mlrd. tonnany quraıdy.

«Aǵymdaǵy jyldyń bastapqy energııa resýrýstaryn óndirý kólemi 400 mln. tonnaǵa jetip jyǵylady. Buǵan qosa, bizdiń ishki tutyný kólemimiz - shamamen 60 mln. tonna. Sondyqtan, el energııaǵa baı ári álemniń kóptegen memleketterine energııa eksporttaýshy bolyp tabylady», - dedi mınıstr.