Qazaqstanda múlik ıeleri birlestiginiń 1 132 jańa nysany quryldy
«2020 jylǵy 7 qańtarda «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań kúshine endi. Zań negizgi máselelerdi sheshýge baǵyttalǵan. Onyń biri - «bir úı - bir birlestik - bir esepshot» qaǵıdaty boıynsha «múlik ıeleriniń birlestigi» kommertsııalyq emes uıymyn qurý arqyly basqarý organdarynyń qyzmetin retteý. Zańdy iske asyrý maqsatynda 2 qaýly jáne 16 normatıvtik quqyqtyq akti qabyldandy»,- dedi ol Ortalyq kommýnıkatsııalar qyzmetindegi baspasóz máslıhaty barysynda.
Erkebulan Daýylbaevtyń atap ótýinshe, qazirgi ýaqytta elimizde múlik ıeleri birlestiginiń 1 132 jańa basqarý nysany quryldy.
Onyń ishinde 539 múlik ıeleriniń birlestigi, 593 jaı seriktestik bar. Onyń basym bóligi Nur-Sultan jáne Almaty qalalarynda ornalasqan.
«Basqarýdyń jańa nysanyn qurý kórsetkishiniń tómendigi turǵyndardyń jınalys ótkizýin shekteıtin karantın sharalaryna baılanysty ekeni sózsiz. Ózderińiz biletindeı, turǵyn úı qatynastary salasyndaǵy qarqyndy ózgeristerge kóppáterli turǵyn úılerdi basqarý salasyndaǵy azamattardyń shaǵymy túrtki boldy. Menshik ıeleri kóppáterli turǵyn úıdi tolyq basqarý úshin kondomınıým obektisiniń ortaq múlkiniń quramyn jáne ár páter ıesiniń úlesin anyqtaı otyryp tirkeý qajet. Kóppáterli turǵyn úıdiń turǵyndary ortaq múlikke nazar aýdaryp, uqypty qaraýy tıis. Al bul óz kezeginde turǵyn úı qoryn saqtap qalýǵa múmkindik beredi. Sondyqtan páterlerdiń, turǵyn emes úı-jaılar ıeleriniń qarajattyń túsýi men jumsalýynyń ashyqtyǵyn qamtamasyz etý úshin óz úıinde múlik ıeleriniń birlestigin nemese jaı seriktestik qurý qajet ekenin túsinýi mańyzdy»,- dedi komıtet tóraǵasynyń orynbasary.
