Qazaqstanda múgedekterdi taksı qyzmetimen qamtamasyz etý úshin jylyna 90 mln. teńge bólinedi
ASTANA. QazAqparat - Qazaqstanda múgedekterdi taksı qyzmetimen qamtamasyz etý úshin jylyna shamamen 90 mln. teńge bólinedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý vıtse-mınıstri Svetlana Jaqypova málim etti.
«Qazirgi tańda memlekettik áleýmettik tapsyrys boıynsha bizde barlyq óńirlerge shamamen 90 mln. teńge bólinedi. Ártúrli óóńirlerge beriletin soma teńgerimdelgen. Bul qarjy ınvotaksı qyzmetin damytýǵa baǵyttalady», - dedi ol.
Onyń atap ótýinshe, búginde respýblıka aýmaǵynda 110 ınvotaksı múgedek azamattarǵa tasymal qyzmetin kórsetýde. Olar jylyna ortasha eseppen 192 myń tapsyrys oryndaıdy.
