Qazaqstanda motor maılaryn tańbalaý júıesi iske qosyldy
ASTANA. KAZINFORM – Qazaqstan Respýblıkasynyń Energetıka mınıstrligi elimizdiń aýmaǵynda 2026 jylǵy 1 aqpannan bastap óndirilgen motor maılaryn mindetti túrde tańbalaý júıesi engizilgenin habarlaıdy.
Buǵan deıin habarlanǵandaı, Munaı-gaz-hımııa jáne tehnıkalyq retteý departamenti tańbalaýdy engizý jónindegi pılottyq jobany iske asyrý, qajetti normatıvtik quqyqtyq aktilerdi ázirleý boıynsha tıisti jumystar júrgizdi.
2025 jylǵy 22 qarashadaǵy № 330-NQ ózgeristermen Saýda jáne ıntegratsııa mınıstriniń 2024 jylǵy 27 qyrkúıektegi № 343-NQ buıryǵyna sáıkes, mynadaı SEQ TN kodtary boıynsha jikteletin motor maılary tańbalaýǵa jatady: 2710198200, 3403191000, 3403199000, 3403990000.
Qazaqstan Respýblıkasynyń Energetıka Mınıstriniń buıryǵymen Motor maılaryn tańbalaý jáne qadaǵalaý qaǵıdalary bekitildi, atalǵan qaǵıdalar saıtynda ornalastyrylǵan.
Zańdy qyzmetti odan ári jalǵastyrý úshin motor maılarynyń aınalymynyń barlyq qatysýshysyna Taýarlardy tańbalaý jáne qadaǵalaý aqparattyq júıesinde (TTQ AJ) portalynda tirkelý qajet.
Taýarlardy tańbalaý – bul taýarlardyń aınalymynyń barlyq kezeńinde, ıaǵnı óndiristen nemese ımporttan bastap túpkilikti tutynýshyǵa deıingi úderiste olardy tsıfrlyq sáıkestendirý jáne qadaǵalaý tetigi. Tańbalaý sheńberinde ónimniń árbir birligine Data Matrix biregeı kody – qara-aq tústi kvadrat pishindi eki ólshemdi shtrıhkod qoldanylady. Atalǵan kodta taýar, óndirýshi, shyǵarylǵan kúni jáne ónimniń mártebesi týraly aqparat shıfrlanǵan, bul onyń túpnusqalyǵyn jáne zańdylyǵyn rastaýǵa múmkindik beredi.
Árbir taýar birligine Data Matrix kodyn qoldaný arqyly tsıfrlyq tańbalaýdy engizý naryqty kontrafaktilik ónimderden qorǵaýǵa, adal básekelestikti qamtamasyz etýge, sondaı-aq saýda úderisteriniń aıqyndyǵyn arttyrýǵa baǵyttalǵan.
Tańbalaý týraly tolyq maǵlumatty Taýarlardy tańbalaý jáne qadaǵalaý biryńǵaı operatorynyń saıtynan alýǵa bolady.
Barlyq tehnıkalyq másele boıynsha, sondaı-aq (TTQAJ) júıesinde jumys isteý jóninde keńes alý úshin tegin 8 800 080 65 65 nómiri boıynsha Baılanys ortalyǵyna júginýge bolady.
Eske salsaq, buǵan deıin aqpannan bastap motor maılary tańbalana bastaıtynyn jazǵanbyz.