Qazaqstanda motor maıyn tańbalaý boıynsha pılottyq joba iske qosyldy
Energetıka mınıstrligi, «Atameken» UKP jáne «Qazaqtelekom» AQ-men (Biryńǵaı operator) birlesip motor maılaryn sáıkestendirý quraldarymen tańbalaý jáne qadaǵalaý boıynsha pılottyq jobany iske asyrýda.
Pılottyq jobaǵa naryqtyń búkil qatysýshylaryn – óndirýshiler men ımporttaýshylardan bastap kóterme-bólshek saýda segmentindegi kompanııalardy qosý josparlanǵan.
Pılottyq jobanyń negizgi maqsaty:
- motor maıy naryǵynda adal básekelestikti qamtamasyz etý;
- tutynýshylar úshin motor maıynyń shyǵý tegi týraly aqparattyń aıqyndyǵy men senimdiligin jaqsartý;
- ónim aınalymyn baqylaý jáne kontrafaktilik ónimmen kúresý tıimdiligin arttyrý;
- otandyq óndiristi damytýǵa jáne motor maılary salasynyń básekege qabilettiligin arttyrýǵa járdemdesý;
- EAEO-daǵy transshekaralyq saýda sheńberindegi kedergilerdi joıý.
"Óndirýshilerdi, ımporttaýshylardy, dıstrıbıýterlerdi, logıstıkalyq kompanııalardy, kóterme jáne bólshek satýshylardy pılottyq jobaǵa qatysýǵa shaqyramyz. Jobaǵa qatysý sizdiń tutynýshylar aldyndaǵy jaýapkershiligińizdi kórsetýge jáne naryqtaǵy bedelińizdi naǵaıtýǵa múmkindik beredi. Sonymen qatar, siz kontrafakti ónimimen kúresýge jáne óz bıznesińizdiń múddesin qorǵaýǵa úles qosa alasyz" dep málimdedi vedomstvodan.
Taýarlardy tsıfrlyq tańbalaý jáne qadaǵalaý júıesi týraly tolyq aqparatty 8 800 080 6565 nómirinen alýǵa bolady.
