Qazaqstanda moped júrgizýshilerine jańa talaptar qoıylady

ASTANA. KAZINFORM – Búgin Májilistiń jalpy otyrysynda «Jol júrisi týraly» Zańyna jekelegen kólik quraldary túrleriniń júrýin uıymdastyrý jáne jol qaýipsizdigin tsıfrlandyrý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

«Zań jobasy kóliktiń osy túriniń qozǵalysyn retteý jónindegi jumystyń jalǵasy sanalady. Sebebi mopedterdiń kóbeıýi joldarda olardyń qozǵalysyn retteýdi qajet etedi. Qazir mopedter arzan kólik túrleriniń biri. Mopedterdiń kóbeıýi de joldardaǵy kólik apattaryna áser etedi. Tek 2023 jyly apat sany 750 boldy, bul kórsetkish 2022 jylmen salystyrǵanda tórt ese kóp», - dedi Májilis depýtaty Ekaterına Smyshıaleva.

Zań jobalarynda:

- qozǵaltqysh kólemi 50 tekshe santımetrden kem mopedterdi memlekettik tirkeý;
- moped júrgizýshine qoıylatyn talaptardy belgileý;
- jergilikti atqarýshy organdarǵa elektr samokattardy paıdalaný tártibin aıqyndaý boıynsha quzyret berý;
- jol qaýipsizdigin tsıfrlandyrý boıynsha normalar usynyldy.

«Sonymen qatar, Ákimshilik quqyq buzýshylyq týraly kodekstiń aıasynda ruqsat etilgen jyldamdyqty áldeqaıda asyryp júretin adamdardyń jaýapkershiligin kúsheıtýdi eskerilgen. Munymen qosa, moped júrgizýshisin mehanıkalyq kólik quraldary júrgizýshimen teńestirý qarastyrylǵan», dedi depýtat.

Budan bólek, joldardy jáne jol qurylysjaılaryn kútip ustaýǵa baılanysty quqyq buzýshylyqtardy qaıtalap jasaǵany úshin laýazymdy adamdardyń jaýapkershiligi artady.