Qazaqstanda monojipter men monotalshyqtardan jasalǵan aýlardy satýǵa tyıym salynady
«Bizdiń qoǵamdy alańdatatyn máseleniń biri - ol balyq aýlaýda tyıym salynǵan quraldardy paıdalanýǵa baılanysty. Ózderińiz bilesizder, Eýrazııalyq ekonomıkalyq odaq aýmaǵyna belgiliri bir balyq aýlaý torlaryn kirgizýge tyıym salynǵan. Sonymen qatar olardy balyq sharýashylyǵy sý qoımalarynda da paıdalanýǵa ruqsat etilmeıdi. Alaıda, atalǵan quraldardy satýǵa tyıym salý boıynsha normatıvtik-quqyqtyq akt qabyldanǵan joq. Búginde biz Úkimet qaýlysynyń jobasyn ázirlep, ony memlekettik organdarmen kelisýge joldadyq. Atalǵan qaýly jobasymen EAEO-nyń kedendik aýmaǵyna kirgizýge tyıym salynǵan aýlaý quraldarynyń satylýy shekteledi», - dedi N. Júnisov.
Onyń aıtýynsha, búgingi tańda monojipter men monotalshyqtardan jasalǵan aýlar bir ret qoldanylǵan soń iske jaramsyz bolyp qalady jáne baǵasy arzan bolǵany sebepti de balyqshylar tarapynan udaıy ózen-kólderde qaldyryp ketedi. Bul óz kezeginde balyqtardyń kóptep qyrylýyna alyp keledi.