Qazaqstanda monopolııaǵa qarsy komplaens quraldaryn engizý usynyldy
«Maǵan kásipkerlerden kóptegen ótinish túsip jatyr, olardyń aıtýynsha monopolııaǵa qarsy organ olardyń qyzmetine shamadan tys kóp aralasady.
Atap aıtqan jón, monopolııaǵa qarsy vedomstvo áleýmettik mańyzy bar azyq-túlik taýarlarynyń 19 pozıtsııasyna qatysty baǵanyń ósýine baılanysty basa nazar aýdaryp otyr. Baǵanyń kóterilýine qarsy kúreste bólshek saýda jelilerine qatysty qatań sharalar qoldanylady», - deıdi ýákil.
Rýstam Júrsinov baǵanyń negizsiz ósýi azamattardyń qaltasyn qaǵyp jatqanyn moıyndaıdy. Biraq baǵanyń shamadan tys rettelýi eń qajetti azyq-túliktiń tapshylyǵyn týǵyzýy múmkin degen eskertý aıtady.
«Dúken sóreleri 80-jyldardaǵydaı bosap qalýy da ǵajap emes. Bulaı kete berse, bólshek saýda áleýmettik mańyzy bar azy-túlik satýdan bas tartady. Óıtkeni bir jaǵynan olardy satý ekonomıkalyq turǵydan múmkin emes bolsa, ekinshi jaǵynan, shekti baǵadan asyp ketkeni úshin saýdager qatań jazalanady», - degen resmı ýákil saýda jelileriniń azyq-túlik taýarlarynyń bólshek saýdasyndaǵy úlesi mardymsyz ekenin eske salady. Sondyqtan baǵany retteý sharalary kútken áserin bermeı jatyr dep sanaıdy.
«Damyǵan elderde qazirgi zamanǵy formattardyń úlesi (saýda jelisi) barlyq bólshek saýda naryǵynyń orta eseppen 80%-yna jetedi, Reseıde bul kórsetkish 69% - ǵa, Belarýste - 61%-ǵa, Frantsııa men Koreıada - 81-ǵa, Avstrııada - 86%-ǵa jetti. Qazaqstanda bul deńgeı 31%-ǵa áreń jetedi. Demek, memleket ózi usynǵan shekti baǵalardy saqtaý arqyly baqylanbaıtyn bólshek saýda úshin básekege qabiletsiz artyqshylyqtar beredi. Men baǵalardy tek naryqtyq ádistermen retteýge bolatynyna senimdimin. Dál osy úshin monopolııaǵa qarsy organdar bar. Bólshek saýdany ákimshilik jaýapkershilikke tartý durys emes», - dep jazdy ol Facebook paraqshasynda. https://www.facebook.com/100047917087079/posts/284526846487883/?d=n
Kásipkerlerdiń quqyǵyn qorǵaýshy monopolııaǵa qarsy komplaens quraldaryn engizýdi usyndy.
«Monopolııaǵa qarsy komplaenstiń syrtqy aktisin kelise otyryp, kásipkerler monopolııaǵa qarsy organmen kelisim jasasady. Osylaısha olar «taýar naryǵyndaǵy oıyn erejelerin» belgileıdi. Erejeni saqtaǵan kásipkerler jaýapkershilikke tartylmaıdy. Al azyq-túliktiń 19 túri boıynsha biz belgili bir ústemeaqyny bekitýdi usynamyz. Bul tasymaldaý, saqtaý jáne t. b. shyǵyndardy óteýge tıis», - dedi Rýstam Júrsinov.
Qazaqstan kásipkerleriniń quqyqtaryn qorǵaý jónindegi ýákil Básekelestikti qorǵaý jáne damytý agenttiginiń tóraǵasy Serik Jumanǵarınge monopolııaǵa qarsy organnyń bazasynda taldaý ortalyǵyn qurý týraly usynyspen hat joldaǵanyn aıtady.
«Ortalyqtyń qyzmeti taýar pozıtsııalarynda baǵalyq taldaý júrgizýge jáne naryqta jaǵymsyz kórinisterdiń paıda bolý sebepterin anyqtaýǵa baǵyttalatyn bolady. Bul memlekettik organdar tarapynan jazalaý sharalaryn qoldanbaı, áleýmettik mańyzy bar azyq-túlik baǵasynyń ósý problemasyn júıeli túrde qarastyrýǵa múmkindik beredi. Bul jerde kásipkerler de tutynýshy tárizdi qalyptasqan jaǵdaıdyń kepiline aınalǵanyn túsingen jón», - dep túıindedi Rýstam Júrsinov.
Eske salsaq, jyl basynda Prezıdent Qasym-Jomart Toqaev Qasym-Jomart Toqaev Básekelestikti qorǵaý jáne damytý agenttiginiń tóraǵasyna bırjalyq saýdany damytýǵa, vedomstvo júrgizip jatqan tekserýlerge, sondaı-aq, shaǵyn jáne orta bıznesti qorǵaý jáne damytýǵa baılanysty birqatar tapsyrma bergen bolatyn. https://kaz.inform.kz/news/memleket-basshysy-serik-zhumangaringe-birkatar-tapsyrma-berdi_a3737460