Qazaqstanda «mobıldik táýeldilik» joıylady - Á. Isekeshev
Eske sala ketsek, jalpy otyrysta «Aqparattandyrý týraly» jáne «Qazaqstan Respýblıkasynyń keıbir zańnamalyq aktilerine aqparattandyrý máseleleri boıynsha ózgerister men tolyqtyrýlar engizý týraly «zań jobalary birinshi oqylymda maquldanǵan bolatyn.
Zań jobasyndaǵy ózgeristerge oraı, elimizde baılanys operatorlaryna tıesili nómirdi ózgertpeı, basqa operatorǵa aýysýǵa jol ashylady. Tegin júzege asyrylatyn bul qyzmettiń iske qosylýy operatorlar arasynda básekelestikti arttyryp, mobıldi baılanys qunyn tómendetýge septigin tıgizedi.
«Mobıldi táýeldilik» degenge kelsek, eger adam «KCell» sekildi mobıldi operator qyzmetin paıdalanyp júrse, biraq «Beeline» operatoryna aýysqysy kelse, onda oǵan oǵan basqa «sım-karta» satyp alýdyń qajeti bolmaıdy, sol ózi qoldanyp júrgen nómirimen tegin aýysýyna jol ashylady. ıAǵnı, ol ótinish berip, nómirin aýystyrmastan-aq kez kelgen kompanııaǵa, kez kelgen baılanys túrine aýysýyna bolady. «Mobıldik táýeldilikten» qutylý qaǵıdatynyń ózegi osy. Munyń bári tegin júrgiziledi», - dedi mınıstr Á. Isekeshev.
Eske sala ketetin másele, keıbir málimetterge qaraǵanda 17 mıllıon halyq turatyn Qazaqstanda 26 mln.-nan astam «sım-kartalar» tirkelgen. Osynyń ózi ár adamda 2-3 «sım-kartalarǵa» ıe degen sóz. Al «mobıldik táýeldilikti» joıý qaǵıdaty osyndaı kedergilerdi eńseredi.