Qazaqstanda mobıldi ınternet paıdalanýshylar sany kúrt artty
«Mobıldi baılanys qyzmetteriniń kólemi bir jyl ishinde 2 paıyzǵa, abonentter sany - 5 paıyzǵa, al mobıldik ınternet paıdalanýshylary birden 12 paıyzǵa artty», - delingen habarlamada.
Belgili bolǵandaı, árbir abonent uıaly baılanys operatorlaryna 7 aıdyń ishinde ortasha eseppen 5 myń teńge shamasynda tólegen. Jalpy, 7 aıdyń qorytyndysy boıynsha mobıldik baılanys qyzmetteri 127,3 mlrd teńgege jetti, bul ótken jyldaǵy kórsetkishten 2 paıyzǵa joǵary.
«Aǵymdaǵy jyly ósim qyzmet kóleminde jáne paıdalanýshylar sanynda boldy. Shilde aıynda uıaly baılanys abonentteri sany 27,3 mıllıonǵa jetti. Bir jyl buryn osy kórsetkish 26 mln deńgeıinde edi», - dep atap ótilgen agenttik málimetinde.
Sonymen qatar, ınternetke qosylǵan uıaly baılanys abonentteri 14,1 mıllıondy qurady, ótken jyly bul kórsetkish 12,6 mıllıon boldy.
Ortasha eseppen alǵanda, árbir abonent baılanys operatorlaryna 7 aıdyń ishinde 4,7 myń teńge tóledi. Bul óz kezeginde byltyrǵy deńgeıden birshama tómendeý, ıaǵnı 2017 jyly ár abonent 4,8 myń teńge jumsaǵan edi.