Qazaqstanda mobıldi baılanystyń enýi álemdik ortasha kórsetkishten 2 esedeı joǵary
ALMATY. 5 tamyz. QazAqparat - Erıkson kompanııasynyń málimetine qaraǵanda, mobıldi baılanystyń enýi qazir álemde 90 paıyzdy quraıdy.
Beeline Qazaqstan kompanııasynyń bas dırektory Taras Parhomenko búgin Almatyda ótkizilgen baspasóz máslıhatynda osylaı málim etti.
«Mobıldi baılanystyń enýiniń jalpy halyqqa shaqqandaǵy ortasha kórsetkishi Ortalyq jáne Shyǵys Eýropa elderinde 130 paıyzdy qurasa, Qazaqstanda bul kórsetkish 170 paıyzǵa jýyqtady. Qazirgi tańda álemde mobıldi baılanystyń 6,4 mlrd. qoldanýshysy bar. Alǵashqy jartyjyldyqtyń qorytyndysyna qaraǵanda, onyń 1,8 mıllıardy baılanys quraly retinde smartfondy paıdalanady. Bul bolashaqty aıqyndaıtyn trend bolyp otyr», - deıdi T. Parhomenko. Onyń aıtýynsha, adamdar qazir dástúrli baılanys qyzmetinen málimetterdi berý qyzmetine kóshýde. Sondyqtan olardyń úlesi Erıksonnyń boljamyna súıener bolsaq, 2018 jyly 12 ese óspek. Qazaqstanda ol jylyna 2 esege artýda.
