Qazaqstanda MNP qyzmetin engizý bastamasy uıaly baılanys operatorlary tarapynan qarsylyq týdyrdy
ASTANA. 20 mamyr. QazAqparat - Qazaqstanda Mobile Number Portability (MNP) qyzmetin engizý bastamasy uıaly baılanys operatorlary tarapynan qarsylyq týdyrdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Básekelestikti qorǵaý agenttiginiń tóraǵasy Bolatbek Qýandyqov aıtty.
Aıta keteıik, MNP baılanys operatoryn aýystyrý kezinde abonentke uıaly telefon nómirin ózgertpeýge múmkindik beredi.
B. Qýandyqovtyń sózinshe, bul qyzmetti engizý, óz kezeginde baılanys operatorlary arasynda básekelestikti arttyrýǵa ońtaıly bolmaq, sondaı-aq qyzmet baǵasyn tómendetýge jáne saladaǵy sapany arttyrýǵa yqpal etedi.
«Qazir biz bul máseleni qarastyrýdamyz jáne jaqyn arada sheshimin jasaımyz. Árıne, K-cell kompanııasy sekildi iri operatorlar tarapynan belgili bir qarsylyq bar. Olar osy monopolııalyq jaǵdaıymen klıentterdi ózderine baılap otyr»,-dep túıdi agenttik basshysy.
