Qazaqstanda mıkroqarjy uıymdary jabyla ma – agenttik jaýaby

ASTANA. KAZINFORM – Mıkroqarjy uıymdarynyń qarjylyq turaqtylyǵyn kúsheıtýge nazar aýdarylyp otyr. Bul týraly QR Qarjy naryǵyn retteý jáne damytý agenttigi tóraǵasynyń orynbasary Oljas Qızatov aıtty.

Búgin Ortalyq kommýnıkatsııalar qyzmetindegi baspasóz máslıhatynda tilshiler mıkroqarjy uıymdaryn (MQU) jabý múmkindigine qatysty suraq qoıdy.

«Qarjy naryǵyn retteýshi agenttik retinde árbir salada qarjy naryǵyn damytý maqsatyn qoıyp otyrmyz. Bizde jalpy mıkroqarjy uıymdaryn, lombardtardy, kollektorlyq agenttikterdi qosqan kezde 1,5 myń uıym bar. Olar búkil Qazaqstan óńirlerinde taralǵan. Mıkroqarjy uıymdaryn ne úshin damytýymyz kerek? Máselen, 21 bank bar jáne olar kóbine úlken qalalarda, oblys ortalyqtarynda ornalasqan. Shalǵaıdaǵy eldi mekenderde mıkroqarjy uıymdarynyń ınstıtýttary damýy kerek. Sol óńirlerdiń turǵyndaryna MQU-nyń kredıt resýrstaryn qoljetimdi etý mańyzdy jumysymyzdyń biri sanalady», - dedi O. Qızatov.

Sonymen qatar ol agenttik mıkroqarjy uıymdarynyń qarjylyq turaqtylyǵyn kúsheıtýge nazar aýdaryp otyrǵanyn aıtty.

«Elimizde 1,5 myń mıkroqarjy uıymy taǵy da kóbeıe qoımas. Solardyń qarjylyq jaǵdaıyn kúsheıtýimiz kerek. ıAǵnı kapıtaldaryn kóbeıtip, qarjylyq jaǵdaıyn kúsheıtemiz», - dedi agenttik ókili.

Budan buryn habarlanǵandaı, mıkrokredıtterdiń eń kóp kólemi qaı oblystarda berilgeni anyqtaldy. 

                                                                                                                                                                                                                                                         Kamıla MÚLІK