Qazaqstanda mıkroqarjy qyzmetterine qoıylatyn biryńǵaı talaptar engiziledi

ASTANA. KAZINFORM – QR Qarjy naryǵyn retteý jáne damytý agenttigi mıkroqarjylyq qyzmetti júzege asyrýdyń biryńǵaı sharttaryn belgileıtin qaýly jobasyn ázirledi.

Qujat mıkroqarjy uıymdarynyń jumysyn ashyqtyǵyn kórsetý, qarjylyq ónimder týraly málimettiń anyqtyǵyn arttyrý jáne tutynýshylardyń quqyǵyn qorǵaýdy kúsheıtýdi kózdeıdi.

Buryn bul salany retteıtin 5 bólek qujat bolsa, endi onyń bári bir erejege biriktirildi. Jańa talaptar boıynsha:

– Mıkroqarjy uıymdary (MFO) jarnamada jáne tsıfrlyq arnalarda nesıe sharttaryn tolyq ári túsinikti ashýǵa mindetteledi.

– Kelisimshartqa otyrmas buryn klıentke ónimniń negizgi sharttary jazylǵan aqparattyq qujat beriledi. Sondaı-aq onyń qarjylyq jaǵdaıynyń sáıkestigi tekseriledi.

– Qujatta mıkroqarjy uıymdarǵa tán josyqsyz is-áreketterdiń tizimi aıqyndalyp, olardy anyqtaý tártibi bekitiledi.

– Qaryzdy óndirý kezinde klıentpen aradaǵy barlyq baılanys aýdıo jáne vıdeoǵa mindetti túrde jazylýy tıis.

Jobany talqylaý «Ashyq NQA» portalynda 16 aqpanǵa deıin jalǵasady.

Aıta keteıik, buǵan deıin nesıe rásimdeý aldyn neni bilý qajettigin jazǵan edik.