Qazaqstanda mıgranttarǵa qatysty eshqandaı problema joq

Elordada ótip jatqan EQYU Sammıti qarsańyndaǵy Sholý konferentsııasynyń «Mıgranttarǵa qatysty tózimsizdik» sessııasynda sóz alǵan L.Gýmılev atyndaǵy Eýrazııa ýnıversıteti áleýmettik ǵylymdar fakýltetiniń dekany, tarıh ǵylymynyń doktory Zııabek Qabyldınov osyndaı pikir bildirdi.

Onyń pikirinshe, Qazaqstannyń ekonomıkalyq jaǵynan qarqyndy damýy ári fashıstik, lańkestik uıymdardyń bolmaýy, halyqaralyq, dinaralyq tatýlyqtyń myǵym ornaýy arqasynda elimizge keletin mıgranttar nópiri mol bolyp otyr. Olardy atajurtyna oralatyn etnıkalyq qazaqtar, kórshi memleketterden keletin 1 mıllıonǵa jýyq jumys kúshi jáne elimizge bilim qýyp kelgen jastar quraıdy.

«Qazaqstan syrttan kelgen mıgranttarǵa óziniń ashyqtyǵymen, qonaqjaılyǵymen, jumsaqtyǵymen qaraıdy. Bul turǵyda bizde eshqandaı problema joq. Al qalǵan EQYU-ǵa múshe 55 memleket bul máseleni sheshýi kerek. Meniń oıymsha, mıgranttarǵa qatysty problemalalardy kún tártibinen alyp tastaǵymyz kelse, etnos jáne din degen pándi mektepterde oqýlyq retinde engizý qajet. Onyń bir bólimine toleranttyq tárbıe beretin bilimderdi engizýge bolady. Sonda ǵana mıgranttarǵa qatysty problema júıeli túrde sheshiledi», - dedi Z.Qabyldınov.