Qazaqstanda mıgranttarǵa arnalǵan portal iske qosyldy
Qazaqstanda kóshi-qon resýrstary portaly – migration.enbek.kz iske qosyldy, dep habarlaıdy Kazinform.
Migration portaly – bıznes-protsesterdi reınjınırıngileý jáne kóshi-qon salasyndaǵy memlekettik organdardyń aqparattyq júıeleriniń ózara is-qımylyn damytý jolymen qurylǵan ınnovatsııalyq platforma.
«Shetel azamattary týraly aqparatty ortalyqtandyrý jáne birizdendirý kóshi-qon protsesteriniń ártúrli kezeńderin sınhrondaýǵa, derekterdi tıimdirek basqarýǵa, olardy óńdeý merzimderi men shyǵyndaryn qysqartýǵa múmkindik beredi.
Portalda kóshi-qon salasyndaǵy memlekettik qyzmetterdiń keń spektri bar. Mysaly: «Qandas» mártebesin berý, qonys aýdarýshylar men qandastardy qabyldaýdyń óńirlik kvotasyna engizý, «Ata joly» kartasyn berý, pana izdeýshi adam kýáligin alý jáne taǵy basqasy», - delingen Eńbek jáne halyqty áleýmettik qorǵaý mınıstrliginiń málimetinde.
