Qazaqstanda mıgranttardyń balalaryna týý týraly káýlik beriledi

NUR-SULTAN. QazAqparat – Qazaqstanda dúnıege kelgen ózge el azamattarynyń balalaryna týý týraly kýálik beriledi. Bul týraly QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Esenǵazy Imanǵalıev aıtty, dep habarlaıdy QazAqparat tilshisi.

Onyń aıtýynsha, Qazaqstannyń medıtsına mekemelerinde dúnıege kelgen ár nárestege, ıaǵnı anasynyń mártebesine qaramastan, týý týraly kýálik beriledi.

Atap aıtqanda, kóshi-qon protsesterinde balalar quqyǵyn qorǵaý boıynsha úsh jyldyq baǵdarlama aıasynda 1 myńnan astam jetkinshek týý týraly qujat alyp, olarǵa bilim berý ári áleýmettik qyzmetter boıynsha jaǵdaı jasaldy.

E. Imanǵalıevtiń paıymynsha, kóshi-qon protsesterinde qamtylǵan balalar úshin qolaıly jaǵdaı jasaý boıynsha jumystardy jalǵastyrý kerek.

«Kóshi-qon boıynsha qamtylǵan balalardyń máselesi ákimshilik problemalarǵa qatysty bolyp tur. Bul rette turǵylyqty jeri boıynsha tirkelmeýi, Qazaqstanda eńbek mıgranty retinde ata-anasynyń mártebesiniń rettelmeýi, sondaı-aq azamattyǵynyń bolmaýy máselesi bar», - dedi ol Ortalyq kommýnıkatsııalar qyzmetindegi dóńgelek ústel otyrysynda.