Qazaqstanda mezgilinde tólenbegen salyq 81,3 mlrd. teńgeni quraıdy - B.Jámishev
ASTANA. 8 aqpan. QazAqparat - Qazaqstanda mezgilinde tólenbegen salyq 81,3 mlrd. teńgeni quraıdy. Bul týraly búgin QR Premer-Mınıstri Serik Ahmetovtiń tóraǵalyǵymen ótken Qarjy mınıstrliginiń alqa májilisinde vedomstvo basshysy Bolat Jámishev málim etti.
«2012 jyldyń ishinde merziminde tólenbegen salyqtardy qysqartý jáne onyń ósimine jol bermeý baǵytynda jumystar júrgizildi. Qorytyndysynda merziminde tólenbegen salyqtar 142,9 mlrd. teńgege tómendedi jáne 2013 jyldyń 1 qańtaryndaǵy jaǵdaı boıynsha 81,3 mlrd. teńgeni qurady», - dedi mınıstr.
B.Jámishevtiń atap ótýinshe, qazirgi ýaqytta merziminde tólenbegen qaryzdardy odan ári tómendetýge qajetti rezerv bar. «Óıtkeni onyń 40,5 paıyzy óndirip alý múmkindigi joǵalǵan, merziminde tólenbegen salyqtarǵa tıesili. Olar boıynsha materıaldar jalǵan kásipkerlik belgileriniń bolýyna oraı quqyq qorǵaý organdaryna berilgen», - dedi ol.
