Qazaqstanda metrologııa salasynda birqatar memlekettik qyzmetti alý jeńildetildi
ASTANA. Qazaqparat - QR IDM Tehnıkalyq retteý jáne metrologııa komıteti birqatar memlekettik qyzmetti alýdy jeńildetti, dep habarlaıdy vedomstvonyń baspasóz qyzmetinen.
Bızneske ákimshilik kedergilerdi azaıtý jumysy aıasynda QR IDM Tehnıkalyq retteý jáne metrologııa komıteti memlekettik qyzmettiń standarttaryn qaıta qarap, jańadan bekitti.
Mysalǵa, ólsheý quraldarynyń tıpin bekitý jónindegi sertıfıkat alýǵa qajetti qujattar sany 8-den 3-ke deıin, qyzmet kórsetý merzimi 20 jumys kúninen 15 kúnine deıin, sol sııaqty metrologııalyq attestatsııa týraly sertıfıkatty alýǵa qajetti qujat sany 7-den 2-ge deıin, al qyzmet kórsetý merzimi 20 jumys kúninen 15 kúnge deıin qysqartyldy.
Memleket basqarýyndaǵy, jeke jáne zańdy tulǵalardyń metrologııalyq qyzmet kórsetýdi atqarý jónindegi normatıvtik qujattardy kelisý memlekettik qyzmetin kórsetý merzimi 20 jumys kúninen 5 kúnge deıin qysqartyldy.
Túzetýler 2015 jylǵy 5 qazannan bastap kúshine enedi.
Munyń syrtynda, 2016 jyldan bastap úsh memlekettik qyzmet HQO arqyly kórsetiletin bolady. Atap aıtqanda, ólsheý quraldarynyń tıpi bekitý týraly sertıfıkat, attestattaý jáne sarapshy-aýdıtordy attestattaý týraly sertıfıkattar osy HQO arqyly beriledi.
Búgingi kúnge 2 memlekettik qyzmet, atap aıtqanda sarapshy-aýdıtordyń attestatyn jáne memlekettik rámizderdi ázirlep shyǵarýǵa lıtsenzııa berý elektrondy portal arqyly atqarylady. Bul tapsyrys berýshiniń memlekettik qyzmet jóninde ótinim jasaýy qyzmet nátıjesine qol jetkizýi qyzmet tutynýshynyń jeke kabıneti arqyly alýyna múmkindik beredi.
Memlekettik qyzmetti tutynýshylarǵa qolaıly bolýy úshin www.memst.kz saıtynda kórsetiletin memlekettik qyzmetterdiń, ruqsat berýshi qujattar pasportynyń tizbesi ornalastyrylǵan, delingen taratylǵan habarlamada.
