Qazaqstanda metapnevmovırýsty emdeıtin dári bar ma — DSM jaýap berdi
ASTANA. KAZINFORM — QR Densaýlyq saqtaý vıtse-mınıstri Erjan Nurlybaev elimizde metapnevmovırýsqa shaldyqqan naýqastar qalaı emdeletinin aıtty.

Onyń aıtýynsha, metapnevmovırýstyń arnaıy dárisi bolmaıdy.
— Bul vırýsqa ǵana qoldanylatyn naqty dári bolmaıdy. Emdeý isi sımptomdarǵa saı júrgiziledi: ystyq túsirýge, ımmýnıtetti kóterýge arnalǵan dáriler beriledi. Osylaı ǵana emdeledi, — deıdi vıtse-mınıstr OKQ alańynda ótken brıfıng barysynda.
Erjan Nurlybaev ondaı dárilerdiń elde tapshylyǵy joqtyǵyn atap ótti.
— Jiti respıratorlyq vırýstyq ınfektsııa kezinde qoldanylatyn dáriler Qazaqstanda jetkilikti. Jańaǵy aıtyp otyrǵan metapnevmavırýs osy sanatqa jatady, — dedi ol.
Aıta keteıik, jýyrda elimizdegi metapnevmovırýs indetiniń taralýyna qatysty Densaýlyq saqtaý mınıstrligi qoǵamdyq densaýlyq saqtaý ulttyq ortalyǵynyń basqarma tóraǵasy Aıjan Esmaǵambetova túsinik bergen bolatyn.
Sondaı-aq, metapnevmovırýs jáne onyń negizgi belgileri týraly jazǵan edik.