Qazaqstanda «Mereıli otbasy» baıqaýynyń jeńimpazy anyqtaldy (FOTO)

ASTANA. QazAqparat - Búgin elordadaǵy «Qazaqstan» ortalyq kontsert zalynda «Mereıli otbasy» Ulttyq konkýrsynyń jeńimpazy anyqtaldy. Bas júlde mańǵystaýlyq Qulsarıevter otbasyna buıyrdy. Bul otbasy ınternet daýys berý barysynda 25 myń 751 daýys jınaǵan bolatyn. Qulsarıvter otbasyn QR Memlekettik hatshysy Gúlshara Ábdiqalyqova quttyqtap, olarǵa Qazaqstanda shyǵarylǵan «IVECO» shaǵyn avtobýsynyń kiltin tabys etti.

Aıta keteıik, shara barysynda G.Ábdiqalyqova bas júldege úmitker barlyq 16 otbasyna QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń baıqaý dıplomymen qatar LG kompanııasynyń teledıdaryn tartý etken bolatyn. Jalpy barlyq óńirde jeńimpaz atanyp, respýblıkalyq konkýrsqa joldama alǵan otbasylar mynalar: Astana qalasynan Eleýsinovter, Almaty qalasynan Álıaqparovtar, Aqmola oblysynan Kákenovter, Aqtóbe oblysynan Kofler, Almaty oblysynan Ospanovtar, Atyraý oblysynan Qanatbaevtar, Batys Qazaqstan oblysynan Kenjebaevtar, Jambyl oblysynan Moldabaevtar, Qaraǵandy oblysynan Mýsınder, Qyzylorda oblysynan Aıymbetovter, Qostanaı oblysynan Tólegenovter, Mańǵystaý oblysynan Qulsarıevter, Soltústik Qazaqstan oblysynan Mámbetovter, Ońtústik Qazaqstan oblysynan Qýatbekovter, Pavlodar oblysynan Ámirenovter, Shyǵys Qazaqstan oblysynan Sosnovskııler.