Qazaqstanda mereke kúnderi jaýyn-shashyndy bolady
ASTANA. QazAqparat - «Qazgıdromet» RMK 20-22 naýryzǵa arnalǵan aýa raıy boljamyn jarııalady, dep habarlaıdy QazAqparat.
«Qazaqstan aýmaǵynyń basym bóliginde mereke kúnderi jaýyn, qar aralas jańbyr jaýady. Mundaı aýa raıy Kaspııdiń ońtústigi jáne Reseıdiń eýropalyq bóliginiń ortalyq aýdandarynan jyljyǵan tsıklon jáne aýa aǵyndaryna baılanysty. Biraq aýa temperatýrasy, jaýyn-shashynǵa qaramastan, klımattyq normadan joǵary bolady», - delingen habarlamada.
Sınoptıkterdiń habarlaýynsha, ońtústik oblystarda kúndiz aýa temperatýrasy 15-20 gradýs jyly, keı jerlerde tipti 25 gradýsqa deıin ystyq. Al respýblıkanyń soltústik jartysynda aýa temperatýrasy 3-13 gradýs nólden joǵary bolady.
Foto: euroradio.fm
