Qazaqstanda mereke kúnderi qar jaýyp, boran bolady
ASTANA. QazAqparat - Mereke kúnderi - 16-17 jeltoqsanda Qazaqstanda qar jaýyp, boran soǵady, dep habarlady «Qazgıdromet» RMK.
«Mońǵolııadaǵy qýatty antıtsıklon demalys kúnderi respýblıkanyń basym oblysynda aýa raıynyń jaýyn-shashynsyz bolýyna yqpal etti. Ońtústik aımaqtardy eskermegende, temperatýra normadan 3-9º joǵary boldy. Ońtústik óńirlerde temperatýra normadan 1-3º tómen boldy. Aldaǵy táýlikterde antıtsıklonnyń yqpaly saqtalady»,- delingen habarlamada.
«Qazgıdromet» aqparatynsha, Povoljede paıda bolǵan tsıklon Qazaqstan arqyly soltústik-shyǵysqa qaraı yǵysady. Osylaısha aldymen batysta, keıin mereke kúnderi - 16-17 jeltoqsanda qalǵan aımaqtarda qar jaýady, kóktaıǵaq, boran soǵyp, jel jyldamdyǵy keı jerlerde 15-25 m/s deıin jetedi. Kúndiz aýa temperatýrasy burynǵydaı 0º shamasynda bolady, bul atalǵan merzim úshin kópjyldyq ortasha kórsetkishten joǵary.
