Qazaqstanda menıngokokk ınfektsııasymen syrqattaný jaǵdaılary azaıdy
«Menıngokokk ınfektsııasy - klınıkalyq belgileri aýrýdyń jeńil túri nazofarıngıtten bastap, menıngıt jáne sepsıs túrindegi aýyr formalarynda kezdesetin jiti juqpaly aýrý. Menıngokokk ınfektsııasy kóp jaǵdaıda ólimge ákelýimen, qorshaǵan ortaǵa qarqyndy ári jyldam túrde taralýymen, aýyr asqynýlarymen asa qaýipti. Infektsııany syrqattanǵan adam men menıgokokk tasymaldaýshy taratady. Aýa tamshylary arqyly juǵady. Inkýbatsııalyq kezeń 2 kúnnen 20 kúnge deıin sozylady, kóbinese 2-4 kún»,-delingen vedomstvo málimetinde.
Syrqattanýdyń 3 negizgi túri bar: jiti nazofarıngıt; menıngokokkti menıngıt, menıngokoktsemııa - menıngokokkti sepsıs.
Nazofarıngıtpen syrqattanǵan jaǵdaıda dene qyzýynyń 1-3 kúnde joǵary kóterilýi, bastyń aýyrýy, jutqynshaqtyń shyryshty qabyǵynyń qabynýy men isinýi, tamaqtyń jybyrlaýy men aýyrýy, murynnyń bitelip qalýy baıqalady.
Menıngokoktsemııamen syrqattaný kezinde dene qyzýynyń kenetten kóteriledi, juldyzsha túrindegi durys emes formadaǵy gemorragııalyq bórtpeler, bórtpeniń iri elementteriniń ortasynda nekrozdar paıda bolyp, teri men shyryshty qabatqa iri qan quıylýy múmkin. Tıisti emdik sharalar qoldanbaǵan jaǵdaıda menıngokoktsemııamen syrqattanǵan adamdar juqpaly-ýytty shoktan aýyrýdyń 1-2 kúnderi ólim jaǵdaıy bolady.
Menıngokokkti menıngıtpen jáne menıngokoktsemııamen syrqattanǵan adamdar (sonymen birge, atalǵan aýrýlarǵa kúdik paıda bolǵanda) arnaýly bólimderge shuǵyl túrde gospıtalızatsııalanýy kerek.
Menıngokokkti ınfektsııamen kóbinese (kezdesetin jaǵdaıdyń 80%-y) 14 jasqa deıingi balalar syrqattanady. Árbir 10-12 jylda aýrýdyń ósýim baıqalady. Bul ujymdyq ımmýnıtettiń tómendeýi men qozdyrǵyshtyń aýysýyna baılanysty.