Qazaqstanda menimen qazaqsha sóıleskende, jaǵdaı basqasha bolatyn edi - ártis S. Bezrýkov
ASTANA. 26 maýsym. QazAqparat - Eger qazaqstandyq kınogerler tarapynan utymdy bir rólderde oınaýǵa usynys tússe, men ony oınap berýge daıynmyn. Búgin Astanada ótken baspasóz máslıhatynda jýrnalısterdiń saýaldaryna jaýap bergen Reseıdiń tanymal ártisi Sergeı Bezrýkov osylaı aıtty.
Negizi, suraqtyń ózi bylaı dep qoıyldy: «Siz Astanaǵa jyl saıyn kelip turasyz. Sodan beri qazaqsha úırenip, óleń oqyp beretin oıyńyz bolǵan joq pa?» Ártis oǵan: «Bilesiz be, bul jerde bizben tek orys tilinde ǵana sóılesedi. Bizben qazaqsha sóıleskende, jaǵdaı múldem basqasha bolatyn edi... Qazir qazaqsha óleń oqı almaımyn. Jalpy, qazir Tımýr Bekmambetovpen jaqsy jumys istep kelemiz. Al Qazaqstannyń tarapynan ázirshe «bandıt» rólinen basqa maǵan eshteńe usynǵan joq. Sondyqtan bul jerde kylmystyq serkelerdiń rólderinen bólek qyzyqty bir keıipkerlerdi oınap berýge usynys jasasa, men ony qýana-qýana qarsy alamyn», - deıdi S. Bezrýkov.
