Qazaqstanda memorgandar kóptegen qadaǵalaý men tekserý qyzmetinen shettetiledi
ASTANA. QazAqparat - Búgin Parlament Májilisinde «QR keıbir zańnamalyq aktilerine kásipkerlik qyzmetti retteýdi jetildirý máseleleri boıynsha ózgerister men tolyqtyrýlar engizý týraly» zań jobasy tanystyryldy, dep habarlaıdy QazAqparat.
QR Ulttyq ekonomıka vıtse-mınıstri Serik Jumanǵarınniń aıtýynsha, zań jobasynda 13 kodeks pen 100 zańǵa shamamen myńǵa jýyq túzetý engizilgen.
«Memleket basshysynyń tapsyrmasy boıynsha Úkimet tarapynan memorgandardyń qadaǵalaý qyzmetine tolyqqandy revızııa júrgizildi. Osy jumystyń qorytyndysy boıynsha birin-birin qaıtalaý men tıimdiliginiń tómendigine baılanysty qoldanystaǵy qadaǵalaýdyń 114 salasynan 25-in, sonymen qatar tekserýdiń 18 salasynan úsheýin alyp tastaý qarastyrylyp otyr», - dedi vıtse-mınıstr.
Kelesi kezekte memleket pen halyqtyń qaýipsizdigi táýekeli men qaterine qatysty emes qaıtalanbaly is-qımyldardy joıý eskerilgen. Osy oraıda memorgandardyń qadaǵalaý-tekserý qyzmetterindegi 544- iniń 117-si joıylady.
Mınıstrlik málimetine qaraǵanda, zań jobasy aıasynda memlekettik qadaǵalaý men tekserýdiń júıesi tujyrymdamaly túrde ózgeredi. ıAǵnı ishinara tártip boıynsha iske asyrylatyn tekserýlerdiń ornyna profılaktıkalyq qadaǵalaýdyń jańa ınstıtýty engiziledi. Sonymen qatar zań jobasy ıasynda ákimshilik óndiristi qozǵaýsyz quqyqbuzýshylyqtyń profılaktıkasy men eskertý tártipteri qarastyrylǵan.
Budan bólek engizilip jatqan profılaktıkalyq qadaǵalaý men tekserý táýekelderdi baǵalaý negizinde júzege asyrylady. Bul turǵyda tekserýdiń aldynda prokýratýra organdarynda tirkelip, tekserýge jatatyn sýbektini eskertý qajet. Osyndaı qadaǵalaýdyń qorytyndysy boıynsha kemshilikterdi joıý týraly nusqama beriledi.
