Qazaqstanda memlekettik satyp alý erejeleri ózgerdi
ASTANA. KAZINFORM — Qazaqstan Respýblıkasy Úkimeti 2026 jylǵy 23 sáýirdegi qaýlysymen «Ulttyq rejımnen alyp qoıý máseleleri týraly» qujatty qabyldady.
Qujatqa sáıkes, memlekettik satyp alýlardy júzege asyrý kezinde sheteldik memleketterden ákelinetin kelesi taýarlar boıynsha ulttyq rejımnen alyp qoıý engiziledi:
- mashına jasaý salasynyń ónimderi
- hımııa ónerkásibi ónimderi
- metallýrgııa ónerkásibi ónimderi
- qurylys ónerkásibi ónimderi
- jıhaz ónerkásibi ónimderi
Bul shekteý Qazaqstan aýmaǵynda óndirilmeıtin taýarlarǵa qoldanylmaıdy.
Sonymen qatar, memlekettik satyp alýlarǵa tek Qazaqstandyq taýar óndirýshiler tizilimine engizilgen jeke jáne zańdy tulǵalar ǵana qatysa alady.
Qazaqstan Respýblıkasy Ónerkásip jáne qurylys mınıstrligine «Atameken» UKP-men kelisý arqyly qaýly qabyldanǵan kúnnen bastap 10 jumys kúni ishinde biryńǵaı taýarlar, jumystar men qyzmetter nomenklatýrasyna sáıkes kodtary kórsetilgen taýarlar tizbesin bekitý jáne ony memlekettik satyp alý salasyndaǵy ýákiletti organǵa usyný tapsyryldy.
Qaýly 2026 jylǵy 9 mamyrdan bastap kúshine enedi jáne eki jyl merzimge qoldanylady.
Ulttyq rejımnen alyp qoıý sharalary otandyq óndirýshilerdi qoldaýdy kúsheıtýge jáne negizgi ónerkásip salalaryn damytýǵa baǵyttalǵan.
Aıta keteıik, Qaraǵandy oblysynda memlekettik satyp alý boıynsha zań buzǵan 12 laýazym ıesi jazalanǵan bolatyn.
