Qazaqstanda memlekettik qyzmetke irikteý erejesi ózgerdi

ASTANA. KAZINFORM – Endi «B» korpýsynyń memlekettik ákimshilik laýazymdaryna qyzmetkerler jańa erejemen qabyldanady.

Ózgerister Qazaqstan Respýblıkasy Prezıdentiniń 2019 jylǵy 22 shildedegi №74 Jarlyǵymen bekitilgen Qazaqstan Respýblıkasynyń Memlekettik qyzmet isteri agenttigi týraly erejeniń 15-tarmaǵynyń 20-1 jáne 44-9 tarmaqshalaryna sáıkes engizilgen.

Prezıdent Jarlyǵy negizinde Qazaqstan Respýblıkasynyń Memlekettik qyzmet isteri agenttiginiń buıryǵy shyqty.

«Buıryqtyń 1-qosymshasyna sáıkes «B» korpýsynyń memlekettik ákimshilik laýazymdaryna qyzmetine qabyldaý konkýrsy men memlekettik qyzmet úmitkerlerine qoıylatyn biliktilik talaptarynyń qaǵıdasy bekitilsin. Buıryq zańnamada belgilengen tártippen Ádilet mınıstrliginde tirkelsin», - delingen resmı qujatta.

Buıryqtyń oryndalý barysyn agenttik tóraǵasynyń memlekettik qyzmet máselelerine jetekshilik etetin orynbasary qadaǵalaıdy.

«B» korpýsynyń memlekettik ákimshilik laýazymdar qaǵıdasymen silteme arqyly tanysýǵa bolady.