Qazaqstanda memlekettik jer telimderi aýktsıonǵa shyǵarylady
ASTANA. QazAqparat - Jańadan qabyldanǵan Jer kodeksi boıynsha endi Qazaqstanda memlekettiń qaramaǵyndaǵy aýyl sharýashylyq jerleri aýktsıonǵa shyǵarý arqyly satylatyn bolady. Bul týraly búgin Ortalyq kommýnıkatsııalar qyzmetinde ótken baspasóz máslıxatynda QR Ulttyq ekonomıka vıtse-mınıstri Qaıyrbek Óskenbaev málim etti.
Onyń aıtýynsha, jer telimderiniń kadastrlyq quny ózgermeıdi.
"Barlyq jer paıdalanýshylarǵa aıtarym, jerlerdiń kadastrlyq qunyn QR Úkimeti bekitti. QR qaramaǵyndaǵy barlyq jer telimderiniń kadastrlyq quny ózgermeıdi", - dep atap ótti ol.
Eger jer telimi aýktsıon barysynda satylmasa, kadastrlyq quny 50 paıyzǵa deıin tómendetiledi. Jańa zań boıynsha jalǵa berilgen jerlerdi satyp alý úshin jeńildikter qarastyrǵan. Bunyń aldynda aýyl sharýashylyq jerlerin jalǵa alyp kelgen kásipkerler endi ony 10 jyldyq merzim ishinde kadastrlyq qunynan 50 paıyzǵa az baǵamen bólip tóleý arqyly satyp ala alady.
Onyń aıtýyna qaraǵanda, qazirgi ýaqytta jeke menshiktiń paıdalanýynda jatqan 98,6 mln. ga jer bar. "Olardyń jalpy kadastrlyq quny 1 trln. 200 mlrd. teńge. Demek, kásipkerlerge 50 paıyzdyq jeńildikpen 10 jylǵa berilse, olardyń quny 500-600 mlrd. teńge shamasynda bolady", - deıdi vıtse-mınıstr. Eske sala keteıik, 97,4 mıllıon gektar jer nemese 98,8%-y uzaq merzimdi jalǵa berilgen. Sonyń tek 1,2 paıyzy jeke menshikte. Sonyń kesirinen aýylsharýashylyq jerleri naryqtyq aınalymǵa túse almaı otyr.
