Qazaqstanda memlekettik til saıasatyn jańa ınnovatsııalyq jolǵa qoıatyn «Áleýmettik-lıngvıstıkalyq ǵylymı zertteý ortalyǵy» ashylýy múmkin

ASTANA. Jeltoqsannyń 9-y. QazAqparat /Jasulan Amanbaıuly/ - Memlekettik tildi damytý prezıdenttik qory qamqorshylyq keńesiniń otyrysynda Memlekettik hatshy Qanat Saýdabaev Qazaqstanda memlekettik til saıasatyn jańa ınnovatsııalyq jolǵa qoıatyn «Áleýmettik-lıngvıstıkalyq ǵylymı zertteý ortalyǵyn» ashý jóninde pikir bildirdi,

dep habarlaıdy QazAqparat.

Onyń atap ótkenindeı, qazaq tilindegi túrli baǵdarlamalardy ornalastyrý, júıeleý isi jańa tehnologııalarǵa saı, ǵylymı turǵyda saraptalýy qajet.

«Qazirgi ýaqytta elimizde til bilimin zertteıtin arnaıy ınstıtýttar barshylyq. Degenmen, ol ınstıtýttarda memlekettik tildi damytýdyń ınnovatsııalyq tehnologııalar júıesin, ádisin jetildire túsýge tıispiz.

Soǵan oraı, memlekettik til saıasatyn qazirgi zaman talabyna saı, ǵylymı saraptaı alatyn áleýmettik-lıngvıstıkalyq zertteýlermen aınalysatyn «Áleýmettik-lıngvıstıkalyq ǵylymı zertteý ortalyǵyn» ashýdy usynamyz», dedi Q.Saýdabaev.