Qazaqstanda memlekettik sımvoldardy tıisti emes deńgeıde qoldanýdyń 6 oqıǵasy tirkelgen
Bul týraly búgin «Qazaqstan Respýblıkasynyń Memlekettik sımvoldary. 25 jyl: tarıh pen qoldaný tájirıbesi» atty ǵylymı-praktıkalyq konferentsııada QR ІІM oqytý ortalyǵynyń jetekshisi, polıtsııa polkovnıgi Murat Esmaǵambetov málim etti, dep habarlaıdy QazAqparat.
«2025 jyly osyndaı 8 quqyqbuzýshylyq tirkelgen. 2016 jyly - 15 jáne bıyl 5 aıda - 6 quqyqbuzýshylyq», - dep atap ótti M. Esmaǵambetov.
Onyń sózi boıynsha, jaýapkershilikke negizinen túrli uıymdardyń basshylary tartylady.
«Bizde 2014 jyly qabyldanǵan standarttar engizildi, 2008 jyly bolǵan eski standarttar da bar. Basym rette eski standarttarmen jasalǵan gerbtiń ústine jańa jyldyń ınventarızatsııalyq nómirin jabystyrady, bul burmalaý bolyp tabylady. Osy quqyqbuzýshylyq úshin atalmysh uıymnyń birinshi basshylyǵy jazaǵa tartylady»», - deıdi ol.
Polıtsııa polkovnıginiń málimetteri boıynsha, ǵımarattyń ishinde negizinen eski standartpen jasalǵan gerb ilýli turady. Túnde ony jaryqtandyratyn shamdar bolmaıdy.
«Sondaı-aq túsindegi gammalary sáıkes kelmeıtin kezder kóp kezdesedi. Buıryqtar men ózge qujattarda qara tústi eltańbanyń sýreti bastyrylady. Ol da quqyqbuzýshylyq bolyp esepteledi», - dep túıdi sózin Murat Esmaǵambetov.
