Qazaqstanda memlekettik satyp alýlardy uıymdastyrýdyń biryńǵaı organyn qurý josparlanýda
ASTANA. 10 maýsym. QazAqparat - QR Qarjy mınıstrligi memlekettik satyp alýlardy uıymdastyrýdyń biryńǵaı organyn qurýdy usyndy. Búgin QR Prezıdenti janyndaǵy Ortalyq kommýnıkatsııalar qyzmetiniń brıfıngine qatysqan atalǵan vedomstvo basshysy Bolat Jámishevtiń atap ótýinshe, osyǵan oraı «Memlekettik satyp alýlar týraly» Zańǵa sáıkesinshe ózgertýler engizý josparlanýda.
«Bul organ Qarjy mınıstrliginiń janynda bolady. Bul ne isteıdi? Konkýrstyq qujattama daıyndaıtyndarda konkýrs ótkizý múmkinshilikteri bolmaıdy. ıAǵnı, biz konkýrsqa qatysýshylar men konkýrstyq qujattamalardy daıyndaıtyndardyń arasyndaǵy «alshaqtyqty» qamtamasyz etemiz», - dedi ol.
B.Jámishev sonymen qatar qurylys pen jobalar boıynsha qujattardy aqparattandyrý máseleleri Qurylys jónindegi komıtet pen Kólik jáne kommýnıkatsııalar mınıstrligine saraptamaǵa jiberiletindigin atap ótti. Bul tender barysyndaǵy jemqorlyq is-qımyldarǵa kedergi bolady.
