Qazaqstanda memlekettik organdarǵa júginýdiń biryńǵaı platformasy qurylady
«Tsıfrlandyrý aıasynda memleketimizdiń basty mindetteriniń biri – azamattardyń zańdy múddeleri men quqyqtaryn barynsha júzege asyrýǵa kómektesý máseleleri tur. Birinshiden, memlekettik organdarmen ashyq jáne aıqyn dıalog mehanızmi – azamattardyń quqyqtaryn iske asyrýdyń negizgi quraldarynyń biri. Bul úshin elimizde «elektrondyq úkimet» veb-portaly jáne memorgan basshylarynyń blog-platformasy arqyly ótinishterdi elektrondy túrde berýge bolady. Biryńǵaı elektrondy ótinish berý platformasy iske qosylýǵa daıyn, bul azamattarǵa óz ótinishterin tezirek jiberýge, sonymen qatar olardyń qaralý barysyn baqylaýǵa múmkindik beredi. Kásipkerlerge arnalǵan «Qamqor» mobıldi qosymshasy kásipkerge ózin zańsyz tekserýlerden qorǵaýǵa, ınspektorlardyń zańsyz áreketteri týraly shaǵym túsirýge jáne tekserý nátıjelerimen onlaın túrde tanysýǵa múmkindik beredi«, - dedi Asqar Jumaǵalıev «Tsıfrlyq órkenıet dáýirinde memleket pen qoǵamnyń transformatsııalanýyndaǵy Konstıtýtsııanyń róli» atty dóńgelek ústelde.
Sonymen birge, mınıstr memlekettik organdardyń derekter bazasyndaǵy azamattar týraly aqparatty talap etýge tyıym salý qajettigin aıtty.
«Sáıkes zańnamalyq baza daıyndalyp jatyr. Azamattarǵa mekenjaı anyqtamasyn, múliktiń jáne sottylyǵynyń joqtyǵy týraly anyqtamalardy elektrondy túrde berip, memlekettik organdar men ózge de uıymdarda tanylýyn josparlap otyrmyz. Bul jumystar jalǵasyp jatyr, ótken jyly 8,5 mln anyqtama halyqtan talap etilgen joq. Sondaı-aq, 70 mln astam osyndaı anyqtama qujattar aınalymynan alyp tastaý josparlanǵan», - dedi Asqar Jumaǵalıev.