Qazaqstanda memlekettik organdardyń úzdik saıttary ataldy
Zertteý maqsaty - saıttardyń tıimdilik, azamattarǵa qajetti aqparattyń qoljetimdilik deńgeıin anyqtaý jáne resýrstardyń damýy boıynsha usynystar berý, dep habarlady kompanııanyń baspasóz qyzmeti.
Mamandar 12 ortalyq memlekettik organdardyń, 36 ortalyq memlekettik organdar komıtetteriniń, sondaı-aq 16 oblys jáne Astana men Almaty qalalary jergilikti atqarýshy organdarynyń ınternet-resýrstaryn baǵalady. QR ınvestıtsııalar men damý mınıstriniń m.a.-nyń 2015 jyldyń 18 aqpanyndaǵy № 135 buıryǵymen bekitilgen aqparattyq tehnologııalardy qoldanýdyń tıimdiligin baǵalaý ádistemesine sáıkes resýrstar negizgi ólshemder boıynsha baǵalanady, olardyń jalpy úles maǵynasy 25 balldy quraýy tıis.
Monıtorıng nátıjesi boıynsha ortalyq memlekettik organdar arasynda kóshbasshylar QR Investıtsııalar men damý mınıstrligi jáne QR Energetıka mınıstrligi bolyp shyqty. Olardyń artyqshylyqtary qatarynda paıdalanýshylarǵa tikeleı baǵyttylyǵyn, paıdalanýshy nazaryn eń mańyzdy bólimderge aýdartýǵa jáne aqparattyq materıaldardyń úlken kóleminde ońaı baǵdar tabýǵa baǵyttalǵan navıgatsııanyń fýnktsıonaldyq júıesin ataýǵa bolady. Ekinshi orynda QR Ulttyq bankiniń ınternet-resýrsy, úshinshi orynda - QR Mádenıet jáne sport mınıstrligi.
Jergilikti atqarýshy organdar arasynda úzdik bolyp Ońtústik-Qazaqstan oblysy ákimdiginiń ınternet-resýrsy tanyldy. Saıt mázir bólimderiniń anyq qurylymdylyǵymen, jaqsy aqparattyq tolyqtyrylýymen jáne kórsetilgen aqparattyń ózektiligimen erekshelenedi. Ekinshi oryn Qaraǵandy oblysy ákimdiginiń ınternet-resýrsynda, úshinshi orynda - Almaty qalasynyń saıty.
Monıtorıng nátıjesi boıynsha, barlyq baǵalanǵan resýrstar úshin negizgi usynymdar shyǵaryldy. Olardyń negizgisi: atqarylǵan qyzmet boıynsha ózekti aqparatty ornalastyrý, qurylym boıynsha derekterdi tártipteý, tolyq baılanys derekterin usyný jáne taǵy basqalary.