Qazaqstanda memlekettik organdardyń parasattylyq reıtıngi engiziledi

NUR-SULTAN. QazAqparat – Bıyl Qazaqstanda memlekettik organdardyń jarııa parasattylyq reıtıngi engiziledi. Bul týraly Sybaılas jemqorlyqqa qarsy is-qımyl agenttiginiń tóraǵasy Alık Shpekbaev málim etti, dep habarlaıdy QazAqparat tilshisi.

«2020 jyly Qazaqstanda memlekettik organdardyń jarııa parasattylyq reıtıngi engiziledi. Ol memlekettik organdardyń ashyqtyq, jarııalylyq, eseptilik deńgeıin kórsetetin bolady. Memlekettik organdardyń reıtıngtegi orny azamattardyń olardyń jumysymen naqty qanaǵattanýy deńgeıimen baǵalanady», - dedi A. Shpekbaev 2019 jyldyń qorytyndysyna arnalǵan agenttiktiń alqa májilisinde.

Shpekbaev árbir aýyldyq okrýgke deıin memlekettik basqarýdyń servıstik modelin engizýdiń mańyzdylyǵyn atap ótti.

Budan buryn Sybaılas jemqorlyqqa qarsy is-qımyl agenttiginiń tóraǵasy alqa májilisinde jemqorlyq týraly habarlaǵandarǵa beriletin eń joǵary syıaqy 10,6 mln teńge bolatyndyǵyn málim etken edi.