Qazaqstanda memlekettik organdar men qoǵamdyq ınstıtýttar Yntymaqtastyq týraly ashyq kelisimge keledi
ASTANA. QazAqparat - Elimizdiń jemqorlyqqa qarsy saıasatyn júzege asyrýǵa azamattyq qoǵam ınstıtýttaryn keńinen tartý úshin QR Memlekettik qyzmet isteri jáne sybaılas jemqorlyqqa qarsy is-qımyl agenttigimen Yntymaqtastyq týraly ashyq kelisim jasalmaq.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte atalǵan agenttiktiń Memlekettik qyzmet isteri jáne jemqorlyqtyń aldyn alý departamentiniń basshysy Álı Kómekbaev málim etti.
«Biz bastama kóterip, barlyq qazaqstandyqtardy, zańdy tulǵalardy bizdermen kelisim jasasýǵa shaqyramyz. Eki aıdyń ishinde datasy, merzimi, naqty maqsattary men ındıkatorlary belgilengen is-shara josparyn qurýymyz qajet. Onda bizderdiń nege qol jetkimiz keletindigi jáne birlesip atqaratyn isterimiz kórsetilýi tıis», - dedi ol.
Onyń atap ótýinshe, ashyq kelisimge qosylý sharttary barynsha qarapaıym. ıAǵnı, agenttikke nemese onyń aýmaqtyq bólimshesine qol qoıylǵan qosylý týraly aktini jóneltý qajet. Eń birinshiden, agenttiktiń saıtyna kirip, onda «Qoǵammen baılanys» bóliminen ashyq kelisimdi taýyp alý kerek.
«Ekinshiden, jeke tulǵa qosylý aktisine qol qoıǵannan keıin ony turǵylyqty jeri boıynsha agenttiktiń Astana men Almaty qalalaryndaǵy, oblystardaǵy aýmaqtyq departamentterine jiberýi qajet. Al respýblıkalyq deńgeıdegi zańdy tulǵalar qosylý týraly aktige qol qoıyp, ony kórsetilgen mekenjaı boıynsha agenttiktiń ortalyq apparatyna jóneltedi. Óńirlik deńgeıdegi zańdy tulǵalar qol qoıylǵan qosylý aktisin tirkelgen jerindegi Astana men Almaty qalalaryndaǵy, oblystardaǵy agenttiktiń aýmaqtyq departamentterine jiberedi», - dedi Á.Kómekbaev.
Aıta keterligi, búgingi kúni bul kelisimge Qazaqstan halqy Assambleıasy, Qazaqstannyń Azamattyq alıansy, «Nur Otan» partııasy janyndaǵy «Jas Otan» jastar qanaty, QR Prezıdentiniń «Bolashaq» halyqaralyq stıpendııasy stıpendıattarynyń qaýymdastyǵy, Qazaqstan Іsker áıelderi qaýymdastyǵy, Qazaqstan Jýrnalıster odaǵy, Qazaqstan Jazýshylar odaǵy, QR Joǵary oqý oryndary qaýymdastyǵy qosylyp úlgergen
