Qazaqstanda memlekettik qyzmettiń ózindik biregeı modeli qurylǵan - Á.Baımenov
ASTANA. QazAqparat - Qazaqstanda memlekettik qyzmettiń ózindik biregeı modeli qurylǵan. Bul týraly búgin Memlekettik qyzmet salasyndaǵy óńirlik habtyń Basqarýshy komıtetiniń tóraǵasy Álıhan Baımenov málim etti.
«Qazaqstan Táýelsizdik jyldary ishinde áleýmettik-ekonomıkalyq, saıası jáne ákimshilik reformalardyń aýqymdy jolyn eńserdi. Al onyń negizgi quramdas bóligi memlekettik qyzmetti jetildirý bolyp tabylady. Bul salada Qazaqstan kóshbasshy elge aınalǵan», - dedi ol «Memlekettik qyzmettiń qazaqstandyq modeli: Tájirıbe men keleshek» taqyrybyndaǵy semınar barysynda.
Onyń atap ótýinshe, 90-shy jyldardyń ortasynda Qazaqstanda úzdik álemdik tájirıbeni zertteý boıynsha jumys toby qurylyp, memlekettik qyzmet týraly zańnamanyń sapasyn úzdiksiz arttyrý qamtamasyz etildi.
«Memleket basshysy problemalar men jetistikterdi saraptaı kele, 2011 jyly memlekettik qyzmettiń jańa modeliniń tujyrymdamasyn bekitti. Ol sońǵy 3 jyl boıy tabysty júzege asyrylýda. Buǵan qosa, biz úzdik halyqaralyq tájirıbeni zerdeledik, biraq, eshkimnen kóshirip almadyq. Nátıjesinde memlekettik qyzmettiń biregeı qazaqstandyq modeli quryldy», - dedi Á.Baımenov.
