Qazaqstanda memlekettik qyzmetkerlerge qoǵamdyq oryndarda mas kúıinde kórinýge tyıym salyndy
ASTANA. QazAqparat - Memlekettik qyzmetkerlerge qoǵamdyq oryndarda mas kúıinde kórinýge tyıym salyndy. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Memlekettik qyzmet isteri vıtse-mınıstr Aıgúl Shaıymova málim etti.
Júrgizip jatqan reformalar aıasyndaǵy ázirlengen sharalarǵa toqtalǵan ol, alǵash ret jańa Etıkalyq kodeks aıasynda qyzmetkerlerdiń túrli jaǵdaılarda júris-turysynyń standarttary aıqyndalǵanyn, ıaǵnı bunda onyń jumys ýaqytyndaǵy tártibi, áriptesterimen qatynasy jáne qyzmetinen tys ýaqyttaǵy júris-turysy eskerilgenin jetkizdi.
Máselen, memlekettik qyzmetkerlerge adal, ádiletti jáne qarapaıym ári sypaıy bolýy sekildi talaptar qoıylady. Olar sheshim qabyldaǵan kezde zańdylyqtyń saqtalýyn qamtamasyz etýge mindetti, ıaǵnı bul eń basty ólshem jáne eń basty talap bolyp sanalady.
«Qyzmetinen tys ýaqytta olar qoǵamǵa qarsy minez-qulyq áreketterge, onyń ishinde qoǵamdyq jerlerde alkogoldik ishimdikke masaıǵan kúıinde bolýyna jol bermeýi tıis. Belgilengen standarttardy qatań saqtaý - halyqtyń memlekettik apparatqa senimin arttyra túsedi»,-dedi ol.
