Qazaqstanda memlekettik qyzmetkerlerdiń ornyna synaq test tapsyryp kelgen qylmystyq top áshkerelendi
ASTANA. QazAqparat - QR Memlekettik qyzmeti isteri jáne sybaılas jemqorlyqqa qarsy is-qımyl agenttigi memlekettik qyzmetke ornalasý kezinde jalǵan jeke kýálikterdi jasap, bireýdiń ornyna adamdar qoıý arqyly testileýden ótý qyzmetterin kórsetken uıymdasqan qylmystyq topty anyqtap, áshkereledi. Bul týraly vedomstvonyń baspasóz qyzmetinen habarlaıdy.
14 adamnan qurylǵan bul toptyń Qazaqstan Respýblıkasynyń túrli qalalarynda testileýden ótip, kórsetken qyzmetteri úshin 4 myńnan 5 myńǵa deıin AQSh dollary kóleminde zańsyz aqshalaı syıaqy alǵany anyqtalǵan.
Jalpy alǵanda uıymdasqan top 2014 jyldyń tamyz aıynan 2015 jyldyń qyrkúıegine deıin memlekettik qyzmetker men memlekettik qyzmetke kandıdat bolǵan 120 adamnyń ornyna synaqtan ótip, sertıfıkattar alǵan.
Qazirgi ýaqytta uıymdasqan toptyń basshylary men barlyq músheleri anyqtaldy. Sot aldyndaǵy tergeý amaldary júrgizilýde.
