Qazaqstanda memlekettik qyzmetkerlerdiń attestatsııasy bastalady
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń aqparatyna sáıkes, attestatsııa úsh baǵytta júredi. Aldymen departament dırektorlary, oblystyq basqarma basshylary, sondaı-aq Prezıdent Ákimshiligi men Premer-Mınıstr keńsesiniń qyzmetkerleri synaq tapsyrady. Olardyń daıyndyǵyn Joǵary attestatsııalyq komıssııa tekseredi. Atalǵan kezeń naýryzdyń 15-sine deıin jalǵasady. Ekinshi deńgeıde mınıstrlikter men oblys ákimdikteriniń attestatsııalyq komıssııalary ortalyq memlekettik organdarda isteıtin qyzmetkerlerden, sondaı-aq aýyldyq okrýg ákimderinen synaq qabyldaıdy. Bul jumys mamyrda aıaqtalady. Al aýdandaǵy attestatsııalyq komıssııalar aýdan men aýyldyń memlekettik qyzmetkerlerin tekserip shyqpaq. Úshinshi deńgeıge jatatyn bul kezeń maýsym aıyna deıin jalǵasady.
Aıta keteıik, buǵan deıin Astanada ótken baspasóz máslıhatynda Memlekettik qyzmet isteri jáne sybaılas jemqorlyqqa qarsy kúres agenttigi tóraǵasynyń orynbasary Aıgúl Shaıymova test tapsyrmalary týraly aıtqan bolatyn. «B» korpýsyna kiretin memlekettik qyzmetshiler attestatsııany beınebaılanys arqyly tapsyra alady. Sondaı-aq, birqatar qyzmetshiler attestatsııadan bosatylady.
