Qazaqstanda memlekettik qyzmetke qabyldaý úsh deńgeıli irikteý arqyly júzege asyrylatyn bolady
ASTANA. QazAqparat - Qazaqstanda memlekettik qyzmetke qabldaý úsh deńgeıli irikteý arqyly júzege asyrylatyn bolady. Bul týraly búgin QR Memlekettik qyzmet isteri jáne jemqorlyqqa qarsy is-qımyl agenttigi tóraǵasynyń orynbasary Saıan Ahmetjanov málim etti.
«Memlekettik qyzmetke alǵash ret qabyldaný úsh deńgeıli irikteý negizinde eń tómengi laýazymǵa ornalasý arqyly júzege asyrylady», - dedi ol.
Onyń atap ótýinshe, bul júıe zańnamaǵa engizilgen túzetýlerdiń nátıjesinde engizilip otyr.
«Birinshi kezeńde kandıdattar zańnamany bilýine jáne memlekettik qyzmet isteri jáne jemqorlyqqa qarsy turý boıynsha ókiletti organdardyń bazalyq qundylyqtaryn bilýine testiden ótedi. Ekinshi kezeńde agenttik kandıdattyń jeke qasıetterin baǵalaıdy» - dedi S.Ahmetjanov.
Onyń sózine qaraǵanda, úshinshi kezeńde memlekettik organdar konkýrs negizinde jeke áńgimelesý arqyly kandıdattyń beıindi mamandyq bilimi men daǵdylaryn baǵalaıtyn bolady.
